وانا بين ايديك

الحب
انتو عارفين احلى حاجه في الحب او بمعنى اصح ان الواحد يحب حد بجد هوا الضعف لما بجد يحس ان فيه واحد بيحبه اوي وبيخاف عليه اوي اوي ويمكن اكتر من نفسه
المشكله في الموضوع دا ليه الراجل على اد مابيحب بجد بيكره وبيغدر بجد وبيكون عايز يدمرها بأي شكل من الاشكال ؟؟؟؟؟؟؟

بس يا سهى لو بيحبها عمروا ما هيغدر بيها ابدا , بالعكس هيحبها وهيخاف عليها اكتر من نفسه زى ما قولتى

اولا ميرسي او يا دودو على مرورك
انا بقولا لو مثلا حصل خلاف بينهم او سابوا بعض او هيا غدرت بيه

انا بقي نفسي احب واتحب مره واحده بس انا نفسي الاقي الانسانه دي في انسانه اه معجب بيها وبخاف عليها اوي بس هي مش حاسه بيا وهي انسانه طيبه اوي ومرحه وفكاهيه وتتحب بسرعه وانا اوعد امام الله ان لو استطعت الارتباط بيها عمري ماجرحها ابدا

ميرسي يا محمد على المرور
وانا احب اقولك اكيد لو انت بتحبها بجد هيا هتحس بيك وهتبادلك الشعور دا وعلى العموم ربنا يوفقك معاها وانا بجد باتمانالك التوفيق من كل قلبي انك انسان كويس ربنا معااااك

شكرا ياعسل ع ردك وبس خايف انها مش حاسه بيا خالص ويارب تخليها تحس بيا زي مانا بحس بيها ع طول وشكرا ياسهي ع ردك وادعيلي انها تحس بيا

هى يا سهى لو غدرت بيه تبقي تستاهل بقي الى هيجرالهاااااا
بس لو كان في خناق اكييد هيحاولوا انهم يناقشووه واكيد هيوصلوا لحل لو يرضي الطرفين لو عايزين يكملوا مع بعض
وشكرا ليكى سهى

اولا عاجبنى جدا اوى خالص عنوان الموضوع
ثانيا انا شايف انكم الرومانسيه واخده حقها معاكو اوى
ثالثا وهو الاهم ان العذاب غريزه مرتبطه بالحب على قد ما الحب كبير ويشمل كل عطف وحنان ومحبه بكل ما تشمل كل من هؤلاء الكلمات من معانى الا انه حينما ينفصل الطرفين او يغدر احد الطرفين بلاخر يحدث هناك انقلاب تام وشامل فى كل معنى من معانى الكلمات السابق ذكرها لان الى بيحب بيحب بجد فلما بيبعد عنه الى بيحبه بيبقى عنده حاله جنون من الفراق ده
نصيحه قبل ما تحب فكر علشان لو انجرحت او حصل لا قدر الله انفصال بيكون الجرح كبير اوى

اولا ميرسي على مروركم
ثانيا انت الي كل كلامك رومانسيه يا مصطفى وميرسي بوكو على مرورك وبردو هعملك مستني ايه؟؟ههههههههههههه
ثالثا انا حساكوا مش فاهمين وجهة نظري
طيب انا هحكيلكوا على حاجه بجد والله ؟؟ كان في واحد بيحب واحده بجد وهيا كانت بتحبه بس هوا حبه مزريج من الحب والتسليه وماتقوليش ازاي فبعد كدا بمعنى اصح زهق منها وشاف واحده تانيه وكانت لما بتكلمه بيفتح الاسبيكر بتاع الموبايل يسمع صاحبه الي بتقولهوله اكيد فاهمين بتقولوا ايه على فكره كانوا مخطوبين وكانت صحبتي الانتيم
وبجد كانت بتحبه اوي
تصدقوا انا نفسي احب بجد بس خايفه؟؟

خايفه من ايه ياسهي الحب ده احلي حاجه ف الدنيا ومتخفيش شوقي مين اللي بيتقرب منك وحبيه وحاولي تفهمي كلامه وارجوكي حاولي وان شاء الله يسعدك كمان وكمان
وشكرا

حب وافرح وعيش لان من حق كل واحد يحب ويتحب لكن فكرت فيما يتبع الحب من عواقب وعذاب؟؟؟؟
فكرت فى نفسك يوم الفراق لان مش كل حالات الحب ناجحه؟
فكر وادرس وخد وقتك
على فكره فى حاجه مش بنبقى واخدين بالنا منها وهى اننا بنحب بلقلب بس لكن الحب الناجح بيكون بالقلب والعقل
اسال قلبك واستشير عقلك ومتخليش عواطفك تغلب افكار عقلك
على فكره مشكله الحب بالقلب بس دى مشكله كل المصريين
اسال قلبك واستشير عقلك هتحب وهتعيش حياه سعيده
منورين المنتدى بمواضيعكم والله